Пред повеќе од 8 години, по трендот на IFATCA, ЗКЛМ го воведе концептот за потребата на CISM имплементација во нашиот колектив, идеја која конечно оваа година ја доби својата реализација. Во текот на годината започна селекцијата на CISM Peer-ови, се распиша тендер за ICISF сертифициран инструктор кој би ја држел обуката.
Како втора фаза од имплементацијата на CISM прпграмата, во ноември, од 11-ти до 14-ти, во сала за состаноци во просториите НА М-НАВ а.д. Скопје се одржа CISM курс со што се сертифицираа 12 пирови. Курсот го држеше Марк Баумгартнер, контролор на летање и супервизор од Женева, магистер по психологија и сертифициран ICISF инструктор за CISM.
Селекцијата на пирови кај нас се одвиваше на принцип на самопријавување или номинација од друг, а успешно го завршија курсот и станаа CISM PEER-ови следниве наши колеги: Марјан Смиљковски, Јасминка Гоцевска, Харитон Мачовски, Марија Савиќ, Анита Жупаноска, Горан Бошески, Емељ Емрула, Наташа Мијат Крстевска, Миесер Положани, Бард Ајдини, Даниела Денковска и Филип Димовски.