За нас

Здружението на контролори на летање на Македонија – ЗКЛМ е доброволна професионална организација, чии членови се контролори и помошници контролори на летање, кои се задолжени за безбедност, редовност и експедитивност на воздушниот сообраќај.

Здружението е регистрирано во Централниот регистар на Република Македонија на 23.5.2007 година и е член на Меѓународната федерација на здруженија на контролори на летање – IFATCA, каде што претставници од ЗКЛМ редовно учествуваат на европските регионални состаноци, како и глобалните годишни конференции, кога сме имале таква можност. IFATCA е меѓународен колектив на здруженија на контролори на летање, кое претставува над 50.000 контролори на летање од 130 држави, со што е најголемото и најопфатното репрезентативно тело за контрола на летање во светот.

ЗКЛМ има за цел:

• Создавање на поповолни услови за успешно извршување на задачите на КЛ и нивно постојано подобрување и унапредување;
• Создавање и одржување висок стандард, знаење и професиналност во работата;
• Заштита на интересите на професијата контролор на летање;
• Подобрување на безбедноста, ефикасноста и редовноста на воздушната пловидба;
• Унапредување на развојот на безбеден и добро организиран систем на контрола на летање;
• Учествување во работата на IFATCA;
• Соработка со други сродни професионални организации и органи во системот на обезбедување на воздушна пловидба.

При спроведување на своите цели, ЗКЛМ дејствува преку следните органи:

• Собрание
• Комитети (А, Б и Ц)
• Совет
• Надзорен одбор
• Претседател

Членувањето во ЗКЛМ е доброволно и може да биде редовно или почесно. Во моментов има 87 членови, од одделенијата ОБКЛ/ФМП Скопје, ТМА Скопје и АКЛ Охрид, кои се активни или поранешни контролори и помошници контролори на летање.