Со големо задоволство ја споделуваме веста за успешно вклучување на нашиот член Ивица Јанев како фасилитатор во IFATCA Speak English програмата.
Оваа улога претставува значајно признание за неговата посветеност, волонтерство и одлични комуникациски вештини на англиски јазик, а самиот процес на shadowing траеше речиси шест месеци.
На 17 април, Ивица имаше официјално надгледување од страна на David Johnson, контролор на летање од Обединетото Кралство кој е еден од членовите на Секретаријатот на IFATCA SEP програмата.
IFATCA Speak English Program (SEP) е иницијатива наменета за подобрување на англискиот јазик и комуникацијата меѓу контролорите на летање ширум светот.
Програмата има за цел да ја зајакне професионалната поврзаност и разбирање меѓу колеги од различни земји преку редовни сесии за вежбање и споделување искуства.
До сега од нашето здружение фаислитатор беше Наташа Мијат Крстевска веќе две години и горди сме што и втор наш член се произведе да фаислитира вакви сесии.
Со неговото искуство и ентузијазам, сигурни сме дека Ивица ќе даде значаен придонес во успехот на програмата а воедно ќе инспирира и други наши членови да ја користат активно оваа опција.