Кога нашиот IFATCA EVPEUR, Frederic Deleau ни кажа за неговата визија и упорност за реализација на овој курс, да бидеме искрени, речиси звучеше како научна фантастика. Но, амбициите на Фред станаа реалност и заедно со Алфред Власек дизајнираа специјализиран курс за здруженијата членки на IFATCA од Балканскиот регион каде што ATCO може отворено да разговараат за теми поврзани со безбедноста.
IFATCA THINK SAFETY COURSE (Поглавје 1), се одржа во Скопје, на 7-ми и 8-ми април, а во име на IFATCA, ЗКЛМ – Здружението на контролори на летање на Македонија уште еднаш ги претстави нашите организациски вештини и гостопримство. Имавме поддршка од давателот на услугата за воздухопловна навигација М-НАВ на Република С. Македонија и секако IFATCA , но наша посебна благодарност упатуваме до нашите колеги од Црна Гора, Албанија, Романија, Србија, Косово и Хрватска кои ни се придружија во мисијата оваа визија да стане реалност.
Во понеделник и вторник, 7-ми и 8-ми април, во хотел Александар 2 во Скопје, IFATCA организираше THINK SAFETY COURSE, специјализиран курс за земјите од Балканот. Курсот го водеше Алфред Власек од Австрија, Vienna ACC Supervisor и IFATCA Safety Specialist.
На барање на IFATCA да учествуваат контролори кои се инволвирани во Safety и Management од нашето здружение претставници беа Бранко Трајчевски, Јовица Јовановски, и Висар Положани. А присуствуваа и дваесетина учесници од земји од регионот, меѓу кои: Edvin Bakiri, Emiliano Manjani (Албанија), Zeljko Oreshki (Хрватска), Gezim Krasniqi, Valon Ejupi, Armend Mustafa, Lumi Hasanaj (Косово), Dino Redzepagic, Nikola Cukovic (Црна Гора), Isidora Velickovic, Zorana Milivojevic, Nikola Tomic, Milan Drnozg (Србија), Sebastian Zeries, Enache Adrian, Bogdan Constantin (Романија) и други.
Оваа дводневна работилница беше преиспитување на тоа што значи „безбедност“ во воздухопловството. Наместо само да се фокусираме на правилата и грешките, изнаоѓавме подлабоки пристапи кон безбедноста, учењето и истрагите фокусирани на човекот.
Ден 1 – понеделник
Почеток и вовед (10:00): Запознавање со групата, споделување од каде се учесниците, што прават и што се надеваат да добијат од работилницата.
Што е безбедност?: Групна дискусија за истражување на различни гледишта за безбедноста.
Приказна за две безбедносни работи: Споредба на традиционалното безбедносно размислување со понов, системски пристап. Работа на лична приказна од двата агли.
Што се факти?: Брзо разгледување на тоа како податоците и „фактите“ се толкуваат во безбедносната работа.
Ден 2 – вторник
Преглед на Ден 1: Повторување на заклучоците
Системски истраги: да се научи како да се гледа на грешките не површно, туку да се пронајдат вистинските, подлабоки причини за инцидентите.
Just culture: Разбирање што значи да се создаде средина без вина, пријателска за учење.
Не се работи само за избегнување грешки – туку за разбирање како функционираат системите, како луѓето донесуваат одлуки и како можеме да создадеме побезбедно небо со учење, а не со обвинување.
Искрено се надеваме дека оваа приказна ќе има многу, многу поглавја и овој курс во иднина ќе опфати уште многу региони во семејството на IFATCA.